Ungmennafélagið Samherjar ráða framkvæmdastjóra

Hér handsala Sigurgeir Sv. Gíslason, formaður UMF Samherja og Skírnir Már Skaftason, nýráðinn framkvæmdastjóri samning, fyrsta sinn tegundar hjá félaginu.

Ungmennafélagið Samherjar hefur ráðið Skírni Má Skaftason sem framkvæmdastjóra félagsins. Skínir tók við starfinu formlega þann 1. Júní 2025, en stjórn felur sig á bakvið reynslutímabil sem útskýrir seinangang í fréttatilkynningu. 

Skírnir er ráðinn inn til eins árs í senn, sökum þess að um nýja stöðu er að ræða og félagið að fara áður ótroðnar slóðir.Mikil spenna er fyrir þessum lukkufeng sem Skírnir er fyrir félagið, en eins og Skírnir greindi sjálfur frá, þá er hann mikill félagsmaður og brennir fyrir það að sjá UMF Samherja vaxa og dafna. Að sama skapi sagðist hann hafa sjálfur fattað uppá “Deyja fyrir klúbbinn” sem ætti þá að fullu leiti við um UMF Samherja, en þorparar utan Glerár hafi rænt hann.

Með þessu starfi er Skírnir kominn í beint forsvar fyrir félagið og sinnir öllum helsta daglega rekstri þess. Hægt er að hafa samband í gegnum netfangið skirnir@samherjar.is.

Á sama tíma er stjórn félagsins veitt meira svigrúm til vinnu við verkefni framtíðar. Allt er þetta til þess að félagið getur eflt starfsemi sína og viðhaldið því frábæra starfi sem fram að þessu hefur verið unnið.

Við óskum Skírni innilega til hamingju með starfið.

Áfram Samherjar!

*Sumt í fréttinni er tilbúningur fréttaritara.