Stjórnarskipti

Aðalfundur UMF Samherja 2026 var haldinn fimmtudaginn 26. mars s.l. Má segja að

algjör kúvending hafi orðið á stjórnarskipan, annað árið í röð, hvar fjórir af fimm þeirra

sem sátu í aðalstjórn viku frá hlutverkum sínum. Nú hefur ný stjórn skipað sér í hlutverk

og er mikil og góð orka sem fylgir nýkjörnum stjórnarmeðlimum.

Þeir sem skipa nýja stjórn eru eftirfarandi:

Þorsteinn Ægir Egilsson – Formaður

Óskar Þór Vilhjálmsson – Gjaldkeri

Sigurgeir Sv. Gíslason (stígur úr formanns- og gjaldkerasæti) – Ritari

Vignir Egill Vigfússon – Meðstjórnandi

Erwin van der Werve – Meðstjórnandi

Varamaður stjórnar er Helga Rut Sæmundardóttir.

Aðeins stakur varamaður var kjörinn, þar sem skortur var á frekara framboði. Stjórn

tekur þó innilega og vinsamlega á móti einstaklingum sem kunna að vilja styðja við

starfsemina.

Fundargerð frá aðalfundi má finna hér:

Https://drive.google.com/file/d/14bxV6ICdy1HAIgeSrTKy4CinR0yBFHDm/view?usp=sharing

Stjórn UMF Samherja 2026-2027

Frá vinstri – Sigurgeir Sv. Gíslason, Þorsteinn Ægir Egilsson, Óskar Þór Vilhjálmsson, Erwin van der Werve og Vignir Egill Vigfússon.Á myndina vantar Helgu Rut Sæmundardóttur

Fráfarandi stjórn óskar nýkjörnum fulltrúum velfarnaðar í starfi. Mikil trú er lögð á nýmyndaða

forystu félagsins. Á síðasta ári réðst stjórn í ráðningu á framkvæmdastjóra félagsins sem hefur reynst félaginu gífurlega gjöfult og ber þess sterk merki um bæði stækkun og áframhaldandi eflingu starfseminnar.

Góðu starfi framkvæmdastjóra verður haldið áfram með frekari stuðningi frá stjórn en nýkjörnir stjórnarmenn, þeir Óskar og Þorsteinn búa að mikilli og góðri reynslu er

kemur að stjórnarstörfum, hvort sem það er fyrir ungmenna- eða sveitarfélög. Með von um

áframhaldandi bestun á starfseminni okkar, hvar iðkendur spila stærsta og ríkasta þáttinn,

þökkum við í fyrri stjórn kærlega fyrir okkur. Þetta hefur verið lærdómsríkt.

En eins og Óskar segir alltaf, “eina leiðin er áfram og þá er best að stefna bara þangað”.

Áfram Samherjar!