.png){kind=logo}
Innan tíðar munu framkvæmdir hefjast við nýjan útikörfuboltavöll neðan við Hrafnagilsskóla, norðan megin við ærslabelginn.
Um glæsilegan völl verður að ræða. Hann verður 200 fermetrar, 20x10 og mun skarta 6 körfum. Völlurinn sjálfur mun kosta um 2 milljónir hingað kominn en Samherjar fengu úthlutað úr mannvirkjasjóði sínum hjá sveitarfélaginu 4 milljónum til verkefnisins. Félagið mun leita til velunnara varðandi stuðning við verkefnið. Mögulega þarf á einhverjum vinnandi höndum að halda á einhverjum tímapunkti og munum við leita til sjálfboðaliða gerist þess þörf.
Völlurinn verður upphitaður og því á að vera hægt að spila á honum allt árið. Hann verður frábær viðbót við afþreyingarmöguleikana við skólann en allir geta notið vallarins, börn og fullorðnir, hvort sem þeir hafa einlægan áhuga á körfubolta eða ekki.
Umsjón með verkefninu hefur Sverrir Már Jóhannesson verktaki og félagi í UMF Samherjum og áætlað er að völlurinn opni í sumar.
