Borðtennisæfingar – af fimmtudögum yfir á föstudaga

Borðtennisæfingar hafa verið færðar af fimmtudögum yfir á föstudaga og eru því æfingar nú á þriðjudagskvöldum og föstudagskvöldum frá 19 – 22. 

Þegar fjölmennt er á æfingar yngri iðkenda er þeim aldursskipt þannig að yngri iðkendurnir æfa milli 19 og 20 og síðan þeir eldri frá 20 – 21.

Æfingar fara fram í Hjartanu í Hrafnagilsskóla.

Vorönn 2011

Nú er vorönn formlega hafin hjá Samherjum og um að gera fyrir unga sem aldna að stunda fjölbreyttar íþróttir á vegum félagsins. Eins og sjá má á nýrri stundatöflu er nóg í boði og varla hægt að stunda fjölbreytta hreyfingu með ódýrari hætti.  Vakin er athygli á því að æfingagjöld gilda sem opinn aðgöngumiði í allar greinar að vild, bæði hjá börnum og fullorðnum.  Slíkur sveigjanleiki er líklega einsdæmi hjá starfandi íþróttafélagi.

Æfingagjöldum hjá Samherjum er mjög stillt í hóf. Félagið greiðir niður æfingagjöldin með styrkjum og fé sem aflað er með sjálfboðastarfi félagsmanna.
Gjöldin á vorönn eru eftirfarandi:

A) Börn og unglingar að 16 ára aldri:

  • 10.000 kr á hvert barn á önn.
  • Einungis er rukkað eitt gjald fyrir hvert barn, óháð fjölda greina sem barnið stundar.
  • Mest er rukkað fyrir tvö systkini, eða að hámarki kr 20.000.

Stjórnin hvetur börn og unglinga til að stunda sem flestar greinar.

B) Fullorðnir:

  • 15.000 kr á mann óháð fjölda greina.
  • Æfingagjöld geta því mest orðið 50.000 kr á heimili á önn.

Nú á vorönn hófust æfingar í  borðtennis fyrir  unga sem aldna. Barnaæfingarnar fara fram  undir styrkri stjórn Sigurðar Eiríkssonar.

Það er mikilvægt fyrir félagið að sem flestir nýti sér það sem í boði er því að góð þátttaka er forsenda þess að hægt sé að halda úti öflugu íþróttastarfi í Eyjafjarðarsveit.