Snjómokstur k. 10 á sunnudagsmorgunn

Kæru félagar.

Nú líður senn að lagningu gervigrassins á sparkvöllinn. Pípulagningarmennirnir munu ljúka við allar tengingar í næstu viku en þá verður hægt að hleypa hita á völlinn. Núna er hins vegar það mikill snjór að hitakerfið nær ekki að bræða hann af sér og því verðum við að handmoka svæðið því ekki er þorandi að fara með vinnuvélar inn á það. Allir sem vettlingi geta valdið eru því beðnir um að mæta kl. 10 á sunnudagsmorgunn með skóflu og snjóþotu (ekki grín) og hjálpast að við að hreinsa völlinn. Margar hendur vinna létt verk og því mikilvægt að sem flestir komi.

Með kveðju frá stjórn Samherja.

Anna fékk fyrirmyndarbikarinn

Fyrirmyndarbikar umf. Samherja var afhentur í fjórða sinn s.l. mánudag og að þessu sinni var það Anna Rappich sem fékk hann. Anna hefur bæði æft og keppt fyrir Samherja og þykir öðrum til fyrirmyndar í sinni íþróttamennsku. Hún er jákvæð og drífandi, æfir reglulega og er Íslandsmeistari í sínum flokki í þremur greinum frjálsra íþrótta. Félagsmenn færa Önnu bestu hamingjuóskir.

 

AnnaR_fyrirmyndarverðlaun_1.11 (2)

Breyttur æfingatími í sundi

Eins og tilkynnt var á síðustu sundæfingu þarf af óviðráðanlegum orsökum að breyta æfingatímanum í sundi. Frá 1. nóvember verða æfingarnar á þriðjudögum og fimmtudögum á eftirfarandi tímum:

Hornsíli (yngsti hópur) verða frá kl. 16:15 – 16:45

Höfrungar (miðhópur) frá kl. 16:45 – 17:30

Flugfiskar (elsti hópur) frá kl. 17:30 – 18:45 ásamt laugardagsæfingum frá kl. 9:30 – 10:30

Æfingabúðir í Ólafsfirði

Samherjar fara í badmintonæfingabúðir á Ólafsfirði þann 6. nóvember 2010. Æfingabúðirnar eru gott tækifæri fyrir bæði byrjendur og lengra komna til að bæta sig og hitta aðra badmintoniðkendur frá öðrum félögum.

Þjálfari í æfingabúðunum er Snjólaug Jóhannsdóttir frá TBR.

Áætlað er að leggja af stað á laugardeginum þann 6. nóv. kl. 09.00 frá Hrafnagilsskóla í einkabílum.

Vinsamlegast tilkynnið þátttöku til Ivan eða Ivalu í síma 891 6694 eða kristnes7@simnet.is.

Foreldrar eru velkomnir með.

Þátttökugjald er 2.000 – 3.000 kr.

Vonumst til að sjá sem flesta taka þátt!

Halda áfram að lesa: Æfingabúðir í Ólafsfirði