KEPPNISFERÐ SAMHERJA Á ÍSLANDSMÓT UNGLINGA Í BADMINTON Á SIGLUFIRÐI 5-6. MARS 2011.

Íslandsmót unglinga verður haldið á Siglufirði og Ólafsfirði helgina 5. – 6. mars næstkomandi. Badmintonsamband Íslands og TBS sjá í sameiningu um framkvæmd og skipulagningu mótsins.
Reikna má með að keppni hefjist á laugardegi klukkan 10:00. U11 og U13 leika í Íþróttahúsinu á Siglufirði en U15, U17 og U19 á Ólafsfirði. Úrslitaleikir verða allir á Siglufirði sunnudaginn 6. mars. Nánari tímasetningar verða gefnar út þegar skráningar hafa borist.
Keppt verður í öllum flokkum unglinga, U11, U13, U15, U17 og U19.
Í U11 flokknum verður aðeins keppt í einliðaleik og allir þátttakendur U11 fá viðurkenningu fyrir þátttökuna eins og reglur ÍSÍ segja til um fyrir þennan aldursflokk.
Í einliðaleik í U13 – U19 fara keppendur sem tapa fyrsta leik í B-flokk.

Áætlunin er að leggja af stað laugardegi kl 08.00 frá Hrafnagili. Áætlað er að farið verði á einkabílum.

Gott er að taka með sér nesti og pening með fyrir mótsgjaldi og til að kaupa í t.d. sjoppunni.
.

Kveðja
Ivan og Ivalu
Sími 8916694

Æfingabúðir í sundi

Æfingabúðir í sundi verða haldnar um helgina. Æfingabúðirnar eru ætlaðar höfrungum og flugfiskum, litlu hornsílin fá að vera heima í þetta skiptið. Sundkrakkar frá Dalvík og Húsavík verða með okkur.
Dagskráin er sem hér segir:

Venjuleg æfing á föstudag kl. 14.40
Æfing kl. 17.00-19.00 eingöngu fyrir flugfiska (elstu börnin)
19.15 kvöldmatur, kvöldvaka að honum loknum fyrir alla!
Laugardagur:
9.00-10.30 sundæfing fyrir flugfiska (elstu krakkana)
10.30-11.30 æfing fyrir höfrungana (miðhópinn)
12.00 hádegismatur
13.00 leikir í sal
14.30-15.30 æfing fyrir höfrunga
14.30-15.30 æfing fyrir flugfiska
Reynt verður að halda kostnaði í lágmarki en eingöngu er greitt fyrir matinn.
kær kveðja, Bíbí

Badminton Bolakaup

Jæja, nú er komið að bolakaupum. Allir sem vilja geta pantað sér bol á næstu æfingu. Bolirnir eru til í allskonar gerðum og litum en við erum með bækling sem hægt er að velja úr. Það eina sem krakkarnir þurfa að gera er að segja hvaða stærð skal panta. Bolirnir kosta einungis ca. 3000 kr. Gott er að vera fljótur að tala við foreldra sína og láta vita af sér sem fyrst svo hægt sé að panta strax.

Hugmyndin var síðan að láta merkja alla bolina með Samherja merkinu 🙂

Kv.

Ivan og Ivalu

Góður árangur Samherja í badminton á Reykjavik International 2011

Samherjar tóku þátt í Unglingameistarmóti TBR sem var hluti af Reykjavik International 2011 sem fram fór dagana 14. – 15. janúar 2011.  Mótið var mjög sterkt enda tóku þátt öll þau bestu. Einnig komu spilarar frá Færeyjum og Svíþjóð.

Elmar, Haukur, Ólafur og Elvar spiluðu fyrir hönd Samherja og stóðu sig mjög vel.

Elmar og Haukur kepptu  í U-13 og stóðu sig mjög vel. Elmar tapaði fyrsta leiknum í einliðaleik og kom i aukaflokk og náði öðru sæti.  Haukur vann sinn fyrsta leik i einliðaleik og tapaði næsta fyrir Alexander frá ÍA sem vann silfur á mótinu. Haukur og Elmar kepptu saman í tvíliðaleik og töpuðu í undanúrslitum fyrir þátttakendum frá Færeyjum.

Elvar og Ólafur kepptu  í U-15 og stóðu sig einnig mjög vel. Elvar vann sína fyrstu tvo leiki í einliðaleik en  tapaði í fjórðungsúrslitum.  Ólafur tapaði sínum fyrsta leik í einliðaleik og kom í aukaflokk  og keppti fram til undanúrslita. Elvar og Ólafur kepptu báðir í tvenndarleik með tveim stúlkum frá Siglufirði og töpuðu þeirra fyrsta leik. Elvar og Ólafur kepptu líka í tviliðaleik og töpuðu í undanútslitum á móti þeim sem stóðu upp sem sigurvegarar.

Þetta var góð reynsla fyrir strákana og sýndi hversu góðir þeir eru!!!!