Breytt tímatafla í borðtennis

Almenn borðtennisæfing sem var á mánudögum hefur verið færð yfir á þriðjudaga. Æfingin er frá 17:30 til 18:30.

Jafnframt færist borðtennis 60 ára og eldri til á þriðjudögum og er nú milli 16:30 og 17:30 í stað 19:00 og 20:00. Æfingin er nú í íþróttasalnum en ekki í Hjartanu.

Æfingataflan er því sem hér segir:

Sunnudagar        10:30 til 12:00 – byrjendur, eldri og 60+
Þriðjudagar         16:30 til 17:30 – 60 ára og eldri
Þriðjudagar          17:30 til 18:30 – byrjendur, eldri og 60+
Fimmtudagar      16:00 til 17:00 – 60 ára og eldri
Fimmtudagar 17:00 til 18:30 – byrjendur, eldri og 60+
Föstudagar          16:15 til 17:15 – byrjendur

Auk þessa verða áfram borðtennisborð í „Hjartanu“ frá 17:15 á föstudögum fram að lokun íþróttamiðstöðvar á laugardögum.  Hægt verður að æfa þar frjálst á þeim tíma en starfsfólk íþróttamiðstöðvar hleypir fólki til æfinga. 

(Þessi möguleiki er ekki í boði fyrir yngstu iðkendurna heldur yrðu þeir að vera í fylgd með foreldrum/fullorðnum. )

Hlökkum til að sjá ykkur á æfingu.

Með kveðjum frá þjálfurunum,
Sigurður Eiríksson, sími 862-2181 tölvupóstur sigeiriks@gmail.com

Aldursflokkamót í borðtennis.

Aldursflokkamót Umf. Samherjar mun fara fram laugardaginn 30. nóvember í Íþróttamiðstöðinni við Hrafnagil.

Mótið er hluti af mótaröð Borðtennissambands Íslands.

DAGSKRÁIN ER FYRIRHUGUÐ EFTIRFARANDI:

13:00 Einliðaleikur hnokka f. 2009 og síðar

13:00 Einliðaleikur táta f. 2009 og síðar

13:00 Einliðaleikur pilta f. 2007-2008

13:00 Einliðaleikur telpna f. 2007-2008

14:00 Einliðaleikur sveina f. 2005-2006

14:00 Einliðaleikur meyja f. 2005-2006

14:00 Einliðaleikur drengja f. 2002-2004

14:00 Einliðaleikur stúlkna f. 2002-2004

Við reiknum með að keyra aldursflokkana samhliða þangað til móti lýkur.

Við viljum vekja athygli á því að við mótahald Umf. Samherjar eru engir aðrir í íþróttasalnum en þeir sem eru dómarar, þjálfarar eða leikmenn sem eru að spila eða hafa verið kallaðir upp til að bíða eftir næsta leik.

Jafnframt biðjum við gesti okkar að gæta hófs í hvatningu og best væri ef yngsti aldurshópurinn fengi að leika sína leiki án þrýstings frá áhorfendum. Þar fer best á því að klappa vel fyrir keppendum að loknum leikjum. Við viljum fjölga í íþróttinni og það er mikið undir að yngri iðkendur hafi jákvæða upplifun af þátttöku í mótum.

Skráningarfrestur rennur út föstudaginn 29. nóvember nk. kl. 17:00 Mælst er til þess að leikmenn leiki í búningum síns félags.

Verðlaun verða veitt fyrir fjögur efstu sætin í öllum flokkum. Þátttökugjald er kr. 1.000 og greiðist á mótsstað eða inn á bankareikning Umf. Samherjar 0302-26-805, kt. 540198-2689.

Senda skal tilkynningu við skráningu og millifærslu á netfangið sigeiriks@gmail.com og setja inn kennitölu leikmanns, sem greitt er fyrir.

Gisting: Ef áhugi er fyrir gistingu fyrir mót, eftir mót eða hvort tveggja þá bið ég viðkomandi að hafa samband eins fljótt og kostur er.

Upplýsingar veitir Sigurður Eiríksson í síma 862-2181 eða með vefpósti á ofangreint netfang.

Aldursflokkamót í borðtennis, laugardaginn 9. mars.

Aldursflokkamót Umf. Samherjar mun fara fram laugardaginn 9. mars í Íþróttamiðstöðinni við Hrafnagil eins og segir í mótaskrá BTÍ.

DAGSKRÁIN ER FYRIRHUGUÐ EFTIRFARANDI:

13:00 Einliðaleikur hnokka f. 2008 og síðar
13:00 Einliðaleikur táta f. 2008 og síðar
13:00 Einliðaleikur pilta f. 2006-2007
13:00 Einliðaleikur telpna f. 2006-2007
14:00 Einliðaleikur sveina f. 2004-2005
14:00 Einliðaleikur meyja f. 2004-2005
14:00 Einliðaleikur drengja f. 2001-2003
14:00 Einliðaleikur stúlkna f. 2001-2003

Við reiknum með að keyra aldursflokkana samhliða þangað til móti lýkur.

Við viljum vekja athygli á því að við mótahald Umf. Samherjar eru engir aðrir í íþróttasalnum en þeir sem eru dómarar, þjálfarar eða leikmenn sem eru að spila eða hafa verið kallaðir upp til að bíða eftir næsta leik.

Jafnframt biðjum við gesti okkar að gæta hófs í hvatningu og best væri ef yngsti aldurshópurinn fengi að leika sína leiki án þrýstings frá áhorfendum. Þar fer best á því að klappa vel fyrir keppendum að loknum leikjum. Við viljum fjölga í íþróttinni og það er mikið undir að yngri iðkendur hafi jákvæða upplifun af þátttöku í mótum.

Skráningarfrestur rennur út föstudaginn 8. mars nk. kl. 17:00

Mælst er til þess að leikmenn leiki í búningum síns félags.
Verðlaun verða veitt fyrir fjögur efstu sætin í öllum flokkum.
Þátttökugjald er kr. 1.000 og greiðist á mótsstað eða inn á bankareikning Umf. Samherjar 0302-26-805, kt. 540198-2689.

Senda skal tilkynningu við skráningu og millifærslu á netfangið sigeiriks@gmail.com og setja inn kennitölu leikmanns, sem greitt er fyrir.

Ef áhugi er fyrir gistingu fyrir mót, eftir mót eða hvort tveggja þá bið ég viðkomandi að hafa samband eins fljótt og kostur er.

Upplýsingar veitir Sigurður Eiríksson í síma 862-2181 eða með vefpósti á ofangreint netfang.

Aldursflokkamót Víkinga í borðtennis er sunnudaginn 9. nóvember

Næstkomandi sunnudag er aldursflokkamót hjá Víkingum í Reykjavík og er heimavöllurinn þeirra TBR húsin í Laugardal.  Mótið hefst klukkan 11 og er gott að keppendur séu mættir um það bil klukkutíma áður en keppni hefst í þeirra flokki.  Mótið er fyrir alla sem eru fæddir árið 2001 eða síðar og er einungis keppt í einliðaleik.

Við höfum ekki mætt á aldursflokkamót á þessum vetri en það er óhætt að fullyrða að allir iðkendur eiga fullt erindi á mótið og munu hafa bæði gott og ekki síður gaman af þátttökunni.

Hér er slóð á mótsboðið þeirra:

https://www.bordtennis.is/aldursflokkamot-bordtennisdeildar-vikings-9-desember/

Við Samherjar ætlum að fjölmenna á þetta mót en þó verður ekki “rútufært” heldur mun verða farið á einkabílum.  Sameinumst í bíla og förum laugardaginn 8. des.   Nú þegar er ljóst að amk 2 bílar fara og vonandi verða þeir fleiri.

Skráningar þurfa að berast á netfangið sigeiriks@gmail.com í dag, fimmtudaginn, 6. desember.  Albest er að fá nafn og kennitölu til þess að spara tíma við að fletta upp og raða saman. (Skráningarfrestur rennur út klukkan 17:00 en unnið er í að fá frest til kl. 20:00.)

Sigurður og Ólafur Ingi
Borðtennisþjálfarar
862-2181 / 861-9414

Æfingabúðir í Borðtennis – laugardaginn 17. nóvember

 

Laugardaginn 17. nóvember verða æfingabúðir í borðtennis í íþróttamiðstöðinni við Hrafnagil.

Umsjónarmaður og aðalþjálfari búðanna er Bjarni Þorgeir Bjarnason en hann hefur numið þjálfarafræðin á meistarastigi í háskólanum í Split í Króatíu. Æfingabúðirnar eru ætlaðar byrjendum jafnt sem lengra komnum og eru jafnt fyrir fullorðna og börn.

Þeir sem koma lengra að og vilja fá gistingu hjá okkur eru beðnir að hafa samband ekki síðar en á fimmtudag. Það er einnig gott fyrir þátttakendur að hugsa fyrir nesti þótt það verði einhver veitingasala á staðnum.

Æfingabúðirnar hefjast klukkan 10 og standa fram eftir degi / fram á kvöld. Þátttökugjald er 1.000 krónur sem greiðist við komu. Það er ágætt að fá skráningar á netfangið sigeiriks@gmail.com eða í síma 862-2181. En ef menn gleyma að senda skráningu er hægt að taka við slíkri á staðnum.

 

Borðtennisvörur frá Pingpong.is

Við vekjum einnig athygli á því að Sigurður V. Sverrisson verður á staðnum þennan dag með borðtennisvörur en hann rekur verslunina pingpong.is. sem er eina borðtennisverslun landsins. Það eru nokkrir iðkendur sem vantar betri borðtennisspaða og nú er dauðafæri að velja slíkan.

Ferðastyrkir UMSE

Þann 30. september rennur út umsóknarfrestur um ferðastyrki UMSE vegna ársins 2018. Styrkirnir ná til eftirfarandi verkefna skv. 5. grein vinnureglna stjórnar UMSE um ferðastyrki:

“a. Keppnisferðir og sýningar erlendis.
b. Æfingaferðir erlendis.
c. Keppnisferðir og sýningar innanlands.
d. Æfingaferða innanlands.
e. Æfinga og keppnisferðir á vegum sérsambanda, s.s. landsliðsverkefni, æfingar með úrvals eða afrekshópum (og öðrum sambærilegum verkefnum).”

Umsóknareyðublöð og nánari upplýsingar eru á www.umse.is .

Þeir iðkendur Umf. Samherjar sem eiga rétt á úthlutun úr sjóðnum eru hvattir til að nýta sér það.