Badminton barna- og unglinga, sund, glíma, frisbígolf og frjálsar eru þær íþróttagreinar sem komnar eru í jólafrí.
Síðasti boltatíminn fyrir jól verður mánudaginn 17.12. og síðasti þrektíminn þriðjudaginn 18.12.
Borðtennisæfingar halda sér yfir hátíðirnar svo framalega sem íþróttahúsið er opið 🙂
Æfingar hefjast á nýju ári skv. tímatöflu mánudaginn 07. janúar.
Jólakveðjur,
Stjórnin
Badmintontíminn verður með óhefðbundnu sniði – jólasniði – á laugardaginn (15.12.). Yngri og eldri hópunum verður skellt saman þannig að allir koma kl 10. Farið verður í leiki og skipst á pökkum en reiknað er með að allir komi með einn lítinn pakka í púkkið 😊 Fáum okkur svo pizzu í lokin. Hlökkum til að sjá sem flesta og ekki verra ef jólasveinahúfan fær að fylgja með 😊
Næstkomandi sunnudag er aldursflokkamót hjá Víkingum í Reykjavík og er heimavöllurinn þeirra TBR húsin í Laugardal. Mótið hefst klukkan 11 og er gott að keppendur séu mættir um það bil klukkutíma áður en keppni hefst í þeirra flokki. Mótið er fyrir alla sem eru fæddir árið 2001 eða síðar og er einungis keppt í einliðaleik.
Við höfum ekki mætt á aldursflokkamót á þessum vetri en það er óhætt að fullyrða að allir iðkendur eiga fullt erindi á mótið og munu hafa bæði gott og ekki síður gaman af þátttökunni.
Hér er slóð á mótsboðið þeirra:
https://www.bordtennis.is/aldursflokkamot-bordtennisdeildar-vikings-9-desember/
Við Samherjar ætlum að fjölmenna á þetta mót en þó verður ekki “rútufært” heldur mun verða farið á einkabílum. Sameinumst í bíla og förum laugardaginn 8. des. Nú þegar er ljóst að amk 2 bílar fara og vonandi verða þeir fleiri.
Skráningar þurfa að berast á netfangið sigeiriks@gmail.com í dag, fimmtudaginn, 6. desember. Albest er að fá nafn og kennitölu til þess að spara tíma við að fletta upp og raða saman. (Skráningarfrestur rennur út klukkan 17:00 en unnið er í að fá frest til kl. 20:00.)
Sigurður og Ólafur Ingi
Borðtennisþjálfarar
862-2181 / 861-9414
Æfingar UMF Samherja falla niður frá kl. 14 – 17 þriðjudaginn 27. nóvember vegna starfsdags.
Unglingamót TBS verður haldið laugardaginn 01. desember í Íþróttahúsinu á Siglufirði. Keppni hefst kl. 10:00.
Keppt verður í einliðaleik og tvíliðaleik í flokkum: U-9 U-11 U-13 U-15 U-17: (riðlar) í einliðaleik, ræðst af þátttöku.
Mótsgjald: Einliðaleikur kr. 1500.-, tvíliðaleikur kr. 1500.-
Sonja tekur við skráningum á mótið til sunnudagsins 25.11. í netfangið sonja@internet.is.
Silfurleikar ÍR verða laugardaginn 24. nóvember. Farið verður frá Boganum á föstudaginn (23. nóv.) kl. 10:00 – gist á Hótel Cabin. Keppnin er allan laugardaginn og verður keyrt heim um kvöldið.
Kostnaður: Rúta: 7000.- (3500×2), gisting með morgunmat: 3500.-, keppnisgjald: 3000.- kr. 11 ára og yngri, 3000.- tvær greinar hjá 12 ára og eldri og 4000.- þrjár greinar eða fleiri.
Reiknað er með að keppendur hafi með sér nesti á leiðinni og á mótið og pening fyrir mat á bakaleiðinni.
