Badminton – Unglingamót Þórs, Þorlákshöfn

Hið árlega Unglingamót Þórs í Þorlákshöfn verður haldið laugardaginn 17. febrúar.  Mótið er fyrir börn og unglinga, U11 – U19, í B- og C-flokki, og hefst stundvíslega kl. 10.  Aðeins verður keppt í einliðaleik í U11 en keppt verður í riðlum í þeim flokki. Aðrir flokkar keppa í einliða- og tvíliðaleik.

Boðið verður upp á gistingu í skólanum, sem er við hliðina á íþróttahúsinu.

UMF Samherjar hafa fjölmennt á þetta mót, þegar veður og færð hefur leyft, og verið sigursælir. Skoðað verður með hópferð þegar fjöldi þátttakenda er orðin ljós en hugsanlega verða einhverjir á faraldsfæti þar sem þetta hittir á laugardag eftir vetrarfrí í skólanum.

Skráning og frekari upplýsingar fást hjá Sonju, gsm: 699 3551 eða sonja@internet.is.  Skráning verður að berast í síðasta lagi sunnudaginn 11. febrúar.

Kostnaður verður enginn fyrir þátttakendur.