Smábæjaleikarnir í fótbolta á Blönduósi, 20. – 21. júní 2015

Samherjar ætla að taka þátt í Smábæjaleikunum í fótbolta á Blönduósi helgina 20. – 21. júní 2015. Við erum búin að skrá 4 keppnislið í 5.-7. flokki. En þau skiptast þannig:

7. flokkur: 1. – 2. bekkur (eitt blandað lið og verðandi 1. bekkur er velkomin í þetta lið)
6. flokkur: 3. – 4. bekkur (eitt strákalið)
5. flokkur: 5. – 6. bekkur (eitt strákalið og eitt stelpulið)

Samherjar ætla, eins og í fyrra, að greiða þátttökugjöld fyrir alla iðkendur sína sem taka þátt í mótinu (kr 9.000 á mann). Inn í því er gisting, allar máltíðir, sundferð og öll önnur afþreying á vegum mótsins.

Iðkendur verða að sjá um það sjálfir að koma sér á svæðið og heim aftur. Mótið hefst á laugardagsmorgni og því lýkur seinni part á sunnudegi.

Nánari upplýsingar um mótið eru hér: http://www.hvotfc.is/index.php?pid=252

Skráning fer fram hjá Óskari á netfangið oskar@melgerdi.is eða í síma 869-2363.

ATH: Við óskum líka eftir nokkrum foreldrum til að vera liðstjórar á mótinu en Ásgeir þjálfari verður líka á svæðinu.

Samherjar taka þátt í fuglahræðuverkefninu

Umf. Samherjar ætla að búa til fuglahræðu og taka þar með virkan þátt í fuglahræðuverkefni Handverkshátíðarinnar.

Við ætlum að hittast þriðjudaginn 16. júní kl. 17:00 við íþróttavöllinn á Hrafnagili og byggja stóra og mikla hræðu í líki tröllskessunnar Bryðju sem er systir Kvarnar sem nú stendur á lóð Hrafnagilsskóla.

Allir eru velkomnir bæði stórir og smáir og endilega grípa með sér eitthvað sem hægt er að nota sem klæði á skessu eða skemmtilega fylgihluti.
Eftir herlegheitin ætlum við að grilla pylsur ofan í mannskapinn 🙂