Smábæjarleikarnir á Blönduósi 14.-16. júní

Þá er það skemmtilega mótið, Smábæjarleikarnir á Blönduósi, sem nú er haldið helgina 14-16. júní. Við stefnum á að skrá tvö lið til keppni, í 7. flokki (2011 og 2012) og 6. flokki (2010 og 2009). Þar sem Umf. Samherjar borgar 50% af þáttökugjaldi hvers keppanda þurfum við að borga 5000 kr.
Innifalið í þátttökugjaldi:
Morgunverður laugardag og sunnudag. Hádegismatur laugardag.
Kvöldmatur laugardag.
Grillaðar pylsur og drykkur á vallarsvæði í hádegi á sunnudag.
Gisting í skólastofu.
Kvöldvaka.
Frítt í sund í eitt skipti fyrir hvert lið.
Leikir byrja á laugardagsmorgun. 
Við þurfum að skrá inn liðin síðasta lagi á fimmtudaginn næsta, 6.júní. Við viljum biðja ykkur um að skrá ykkar barn fyrir kl 12 á fimmtudaginn. Sendið skráninguna á vefpóstinn orrisig7@gmail.com og joninemg@gmail.com (senda á bæði) og tilgreina þáttöku barns, aldur og hvort þið ætlið að gista eða eruð á eigin vegum.

Kveðja, Jónína og Orri.

Æfingar barna í sumar

Samherjar ætla að bjóða börnum upp á æfingar í fótbolta og frjálsum í sumar. Skráningar á staðnum hjá þjálfurum.

Fótbolti verður á sparkvellinum á þriðjudögum og fimmtudögum, kl.13 9 ára og yngri og kl. 14 fyrir 10 ára og eldri. Þær æfingar hefjast 4. júní og þjálfari verður Orri Sigurjónsson. Á miðvikudögum verða frjálsar, kl. 13 hjá 9 ára og yngri og kl.14 fyrir 10 ára og eldri. Æfingar verða 5. júní og 12. júní og 19.júní, hlé verður gert á þeim til 10.júlí en unnið að því að fá afleysingu. Þjálfari verður Unnar Vilhjálmsson.

Síðan minnum við á opnu tímana í borðtennis á sunnudögum milli kl. 10 og kl. 12 og badmintoni á miðvikudögum milli kl.18 til kl. 20. Þeir tímar verða fram að uppsetningu handverkshátíðar.

Æfingagjöldin er þau sömu og síðustu ár, 5000 kr fyrir sumarið hjá krökkunum.

Vetrardagskrá að líða undir lok – tímar í íþróttahúsinu í sumar

Þessa dagana hafa æfingar okkar verið að líða undir lok í mörgum greinum.

Þær greinar sem eru farnar í langt sumarfrí eru boltatímar, fimleikar, þrektímar, sundið og blakið.

Borðtennis er kominn í stutt frí og hefst að nýju 2.júní og verður framvegis á sunnudagsmorgnum á sama tíma og í vetur, kl.10.00 til kl. 12.00.

Badminton er einnig komið í stutt frí og hefst 5.júní og verður á miðvikudagskvöldum milli kl.18 og kl. 20.

Síðasti bandý tími unglinga er núna á mánudagskvöldið 27.maí. Bandý karla verður á mánudagskvöldum og miðvikudagskvöldum frá kl.20 til kl. 21.30.

Athugið að þessir innanhústímar eru í gangi þar til uppsetning handverkshátíðar hefst eftir miðjan júlí.

Frjálsar íþróttir – byrja 19.júní

Ungmennafélagið Samherjar verður með æfingar í frjálsum íþróttum tvisvar í viku í sumar. Æfingar verða á þriðjudögum og fimmtudögum á íþróttavellinum við Hrafnagilsskóla og hefjast þriðjudaginn 19. júní. Þjálfari er Unnar Vilhjálmsson. Skráning hjá þjálfara á staðnum. 11 ára og eldri mæti kl 13-14 og 10 ára og yngri kl 14-15.

Skráningar fyrir helgi – Smábæjarleikarnir

Skráningar á Smábæjaleikana þurfa að berast til sunnaax@hotmail.com fyrir helgi.  Innifalið í skráningargjaldinu er matur á meðan mótinu stendur og kvöldvaka með Emmsjé Gauta o.fl. Mjög góð fjölskylduskemmtun framundan.

(Samherjar greiða 50% af gjaldinu)